Еликь ттур, еликь усас

Зе хIур, хIур агьай ккиркIуне ХIурин ламус вун ухIуне. Ле ве чIалар Iекьул кеттар.

Зе хIур, хIур агьай ккиркIуне ХIурин ламус вун ухIуне. Ле ве чIалар Iекьул кеттар. Джан Багьавдин-хIеджи ле вас хвашккелди

Дадан бабан сифат дагу дардуни. Аттархьуне гъурбат дагIа усттазарин гъилари Лап четин заманайин четин вахттуни. Дин исламдилас гьавчIундава вун гIешкъуни. КIаре къиригIас рекIв ицIай, ваз суман Иман, ислам, ихIсан агъай амур хьуне арайил МикIил ягъа ибгIа ибгIа рагъ суман Нур фатуне вун гьер мукьарил. Еликъ ттур еликъ усас Хвашкелди вас йя мутагIалим Еликъ ттур еликъ усас Хвашккелди вас йя Багавдин-хIеджи гIелим Йине вас Аллагьди гьелишттин пай. Сурати гьемишан инчIра фай Iуьщра ягъра бизара давей, Инсанарин мурадар бегьем акьас алучIай. БицIиттарихъай бицIифра вей вун. АхIаттарин удигь фурс аркьайдавуй вун. Иттаттарис духттира хьуне вун. Дишегьлибурис сабура ирцIанди хьуне вун. Ле ве сабурдин абурдин гIешкъуни Къунши хIурариас халкьар завал вейи Хизандина ле ве ачухъвелдина иджевелди Учурарилди инсанар раккахъас кам вейдавуи. Йя гъад фудавуи устта вас хвашккелди. Йя кьалам фудавай шаир вас хвашккелди. Йя дафттар фудавай мегIелим вас хвашккелди. Йя мюрид БагIавдин-хIеджи ле вас хвашккелди. Кьадар кьисматар мехIелди час вун хьуна Патал шегьерди аттаррхьуне вун мегIелим. Iегвалди халкьдис вун цIиалди илгуна Ккан акьуне, ккан джаллабурис вун гIелим. ГIешкъар алгъушуне гьер милатарин ле ваал Лезги-милати ле чефе вун ягъай. Табасаран-милати ле чефе вун, вас агъай. АлчархIе азиятарихъ загьматарихъ хъуттурфуна. Шукур Аллагьдис-дала акьундава. Гашар мекIер, ятумар алчархьичира. Бизарвелар сайисра агвар акьундава. ДагIаттар вун час ппара ягIаракьуне. Еликь ттур, елихъ усасс ухшаре. Дин ислам имандикес ягIар акьуне. Ве руьхIдис, ве насихIетарис вас хвашккелди. Ширин мезуран ширин гафар Акьурай джигьилари гьемишан тикраф. Загьматилди акьунае рекъер хулар Тарихди фикирди илгурай акьу курар. Аллагьди йинае Iуьмурдин гIелим. Iефу Iефу Iефу ве акьурай. йиркIв але йиркIуран мурад гIелим ЙиркIуралас са вахттунира вун че душурай. Ле ве аджру иджеф хьурай . ДугIайикес вун кам дахьурай. Гьер хIурариас гьер хулариас. Ле ве ттур ле вун суманттар камдакьурай Аллагьдис хьурай чун аманат Ахиран акьасе ле чвас васият Гьемишан арайиъ илгурай хIулмат. Дуьяйиласра камдакьурай чвас баракат. Еликьди э ве ттур еликь усас. Дин исламдис маркьа хайинат. Иджефра садала, учин хасият. Хвашкелди вас Багьавдин- хIеджи вун че девлет. Эльмира Каидова

Источник

Предложить новость