Ттиъ меркк ппара атая

Хьид хъучучIуф агъуларин джиларил къурахвел хьуна уйи. Авар районариъ, хабди багулиф фая Табасарандин райондиъ хIел-хIел аркьай угъайи хипхел угъалра гIай.

ЙирхIу мерккура ппара зарар йине мисариъ дуламиш вей ая халкьдис. Тисариъ угъай аргъвай чIукьдехIела хьесра угъурай агъай авейи хье джемеIет. Те зарар дала ме къурахвел иджвелис хьуне хьес.

Агьал угъалара угъай ая, са пай хIурарис меркквара ата, алтухъ хIа мерк давай чира сае районариъ угъуфсуман, пара зарар йина ая хье джемеIетин узубарисра: хIилла — чарайи ая усаъ кIурарикес хутар, машмашар, сае емишар кехъуне; калтуфарин чIичIариъ аргIуне; уькIер ругуне, хуппай дарди- балабур ахьасе хIуринттарин гIарариъ уца IуькI адава агъай.

Ме иса удигь исарихъ хъуттурфуна, ппара мерк йирхIуне хьесра.

Ахиран вахттари са — Iу ягъдала гIадавей атая мерккв. Ме курар кьушандерейиъ ягъди вей аяттаре. Ме иса Гехъуьнарин, Миссиарин, Гъудгъуларин хIурарис пара киркьуне мерккв.

Хьин сувариъ дуламиш вере халкь идегуна, июньдин вазала угьу хипхел хьес тамаша хьуна кканефттава, июльдин вазала ибхьеракегьей угъагуна. Джалла вере курариъ иджвел аргвай кканде. Угъа мерккуранра Iаш файдиб кидавай учин хайр ая.

К. Мирзоев

Источник

Предложить новость